天水圍新北江~海南小廚

噚晚懶得煮飯，

我、老公、小魔怪和佢女朋友，

4個人齊齊落屋苑商場搵食喇!

小魔怪想食川菜，

所以揀咗嚟呢度~海南小廚。

由於老公唔食得太辣，

所以我哋揀咗幾個餸都係唔辣版!

口水雞(少辣&汁另上)

豬油渣炒萵芛

四季豆炒腩肉

酸菜生魚(少辣)

酸辣木豆絲(少辣)

 睇菜牌樣樣都好似好辣咁，

其實係可以揀唔辣架!

口水雞D雞肉都幾嫩滑架!

老公話好耐冇食過豬油渣，

好懷念佢嘅味兒喎!

四季豆炒腩肉，

腩肉炸過都幾脆口，

不過如果加番少少辣就更好啦!

炒土豆絲唔酸又唔太辣，

不過有少少油囉!

酸菜生魚D魚肉好滑又冇骨，

裡面嘅配菜大豆芽和酸菜，

我都食唔少，

而且份量都幾大鍋架!

4個人叫咗5個白飯，

2罐可樂2杯豆漿，

埋單都係$370，

都幾抵食呀!