3月4日(星期日)
我哋4位Travel buddy搭早上7:45機去日本福岡，
一落機就拿拿臨買少少嘢食醫醫肚先，
跟住就去機場攞我哋上網book咗sunq pass和去湯布院由布院嘅車票。
~sunq pass~自由乘搭九州長途巴士及普遍巴士
仲有就係買埋兩日fukuoka city subway 2day pass，
咁嚟緊呢兩日就可以免費任搭地鐵啦!
搭程接駁巴士去機場國際線果邊搭地鐵，
我哋今次住嘅酒店係天神區~The b Fukuoka Tenjin，
酒店係新開冇耐，
都幾多香港人入住架!
攞完房就要去搵食啦!
求其搵間拉麵醫肚麵有驚喜，
一碗麵加一口餃子，
超抵食(900yen)外，
餃子仲好juice，
好食到呢!
食飽飽諗住係附近行下天神地下街，
呢度四通八達，
又多嘢睇，
真係行極都行唔完架!
不過我哋今次嚟呢度有任務，
就係嚟配眼鏡啦!
好好彩有個懂普通話嘅店員，
咁就唔怕溝通唔到啦!
等攞眼鏡其間，
食下甜品先啦喂!
個芝士撻好鬼正架!
至於個蘋果批我就冇食，
因為要留肚食晚餐呀!
晚餐我哋揀咗食咖哩飯，
有0~5度咖哩任揀，
本來我想揀5度咖哩架，
不過靚仔店員話5度咖哩佢都食唔到喎(好辣架)，
最後試咗3度咖哩，
嘩，
中辣日本咖哩汁辣到有少少出汗，
炸雞肉唔"鞋"仲好嫩滑，
我鐘意呀!
買埋少少宵夜就返酒店瞓覺囉!
呢張就係我哋呢6日係福岡用嘅上網咭啦!
鴨記買$88，
一插咭即用，
上網速度都幾快，
唔錯架!
大家可以入嚟Facebook讚下我新開嘅Fans專頁呀!
我今日都係鴨記買咗呢張上網。
回覆刪除呢張上網咭真係幾好用架!
刪除始終掛著一 ''龜'' 拉麵，當然佢D餃子真係正啦，皮脆又多肉汁。炸雞又很脆口，真係脆卜卜。
回覆刪除哈哈，呢日食果幾餐都好好食呀!
刪除做乜要係日本配眼鏡？
回覆刪除日本驗眼好先進，又夠快，簡單配眼睛和老花鏡，半小時就有得攞呀!
刪除配眼鏡幾錢左右?最普通?定有變色，漸進?因為聽講配特別鏡片要5日以上時間。。。謝謝回覆。
回覆刪除我五月去都係住The B ，之前住過名古屋
個間分店，你覺得酒店點?出地鐵易搵嗎？
簡單配眼睛和老花鏡，半小時就有得攞，如果要漸進鏡就要一星期呀!
刪除酒店新開的，所以比較新淨，最鐘意佢水力勁，加埋有水力按摩功能，日日沖涼都好鬼爽架!
至於交通，地鐵七偎線天神南站 5 號出口 – 步行約 1 分鐘，地鐵空港線天神站 16 號出口 – 步行約 5 分鐘左右(網上資料)
間酒店好新喎！舒適嗎？多謝你時時分享旅遊心得給大家！真係好有幫助。
回覆刪除呢間舊年7月先開張，比較新呀!
刪除