栗子冬菇炆雞

今日煮咗煲栗子冬菇炆雞，

老公和小魔怪都讚話好食，

原因係佢哋除鐘意食栗子之外，

更鐘意個雞煲裡D雞夠哂大件，

食落就唔會流失雞嘅味道喎!

哈哈，

講到好似成個食評家咁樣呀!

材料: 雞1隻、栗子1包、冬菇12隻、蒜蓉、薑片、乾蔥頭(切片)、蔥段

醃料: 豉油1湯匙、鹽半茶匙、糖1茶匙、生粉1茶匙、麻油少許

調味: 蠔油2湯匙、豉油半湯匙、老抽少許、糖1茶匙

做法: 用醃料醃雞半天；栗子去衣；冬菇浸軟備用；

凍油落油燒熱，加薑片、乾蔥片、蔥後(白色部份)和蒜蓉先爆香，

落雞件略煎兩面後贊酒，加栗子、冬菇、調味和1碗半水煮滾後，

轉小火炆20分鐘，熄火後加少少蔥絲做裝飾便成。

大家可以入嚟Facebook讚下我新開嘅Fans專頁呀!

雀后(添飯)Facebook Fan Page