每年初三，
我哋都會返惠州過年，
返到惠州屋企，
堂弟婦已經幫我哋攪好衛生，
仲買咗好多生果擺係屋企添，
呢個弟婦真係抵錫呀!
朋友搬咗新屋，
緊係要去參觀下啦!
而且仲留係朋友家食晚飯添呀!
初四朝早，
去咗附近市埸睇下有冇嘢買，
點知大部份檔口都冇開，
好彩仲有一檔麵檔開咗，
先有早餐食咋!
上面果兩餐，
分別係2位堂弟家食飯
咁我哋返嚟呢3日，
做咗咩嘢???
哈哈，
就係食食食、打打打(麻雀)、瞓瞓瞓。
好彩初五朝早市埸都開多咗少少檔口，
少少哋都買到手信呀!
中午臨走之前，
我哋去咗堂妹家食中午飯，
雞鵝鴨樣樣齊，
仲有自家種蔬菜，
好新鮮架!
下面就係我買嘅手信啦!
雖然話冇嘢買啫，
但都買咗唔少嘢架!
仲有自家種嘅蜜豆和西蘭花，
新鮮雞和各款小食，
都係堂弟婦和堂妹佢哋送俾我哋呀!
大家可以入嚟Facebook讚下我新開嘅Fans專頁呀!
你次次回鄉，都係又食又拎，真開心。
回覆刪除哈哈，次次返詭親去到係食食食呀!
刪除食得開心，見你買得重開心！次次都滿載而歸。哈哈!！
回覆刪除哈哈，今次好多檔口冇開，已經買少咗嘢啦!
刪除你點會空手而回呢
回覆刪除哈哈，呢句又真係喎!
刪除我上次返大陸, 都買了潮州咸菜及酸菜, 他們很得意, 在香港,咸酸菜是一種, 但他們就是分開成兩種, 我上次用酸菜代替上海雪菜來煮米粉, 都好好味。而我買的那種就是汕頭澄海出品, 而你買的, 我見包裝就是汕頭龍湖區出品, 不知龍湖區是否就在澄海, 因為以我所知澄海的才是最正宗。我買2.5/包, 不知你買了多少錢? 還有我想跟你講的是, 我每次返去大陸, 都見到散裝的米粉/麵/螺絲粉等, 但我都不敢買, 因為怕散裝, 人人對手都摸過, 不乾淨。 而且通常店主都會隨便用手就將這些食材放上枱賣, 雖然煮時會再過冷河, 但始終唔知點解個心理都過唔到,認為唔衛生, 不知你會否這樣想? 所以返大陸, 我寧貴一點都買預先包裝好的米粉/麵/螺絲粉。這是我的想法。
回覆刪除咸酸菜都係2.5包呀!
刪除還有, 大陸D水果都係斷斤秤, 有時還比香港的更貴, 不知你買3個蘋果多少錢? 因為百佳或街市, 10元4個, 但在大陸, 可能同樣秤後都係10元4個, 但就係俾人民幣, 近匯率高, 折算後還比香港的更貴, 所以我很少會買水果返香港, 費時攞餐死。
回覆刪除蘋果5.5有3個呀!
刪除所以我宜家每次返大陸, 都調返轉, 係好辛苦係香港抬食物上去, 然後空手返回港。宜家大陸消費+人民幣上升，計落還比香港買更貴。本來這十多日,我都要返大陸一趟, 但就係想到一來新春大陸好多食肆都唔開及大陸的街市都無開, 你都好D, 有鄉下D親戚煮飯俾你地食, 我就無, 我要抬足甘多日煮好嘅餸返去, 想起就怕, 最終延期到放假最尾果幾日及縮短日子才上去，宜家都未想上去住。唔知你鄉下那邊是否買野真係好平, 所以你每次都買甘多野返來?
回覆刪除惠州物價比香港平1/3，買嘢都幾抵架!
刪除咁多野拎唔拎得郁
回覆刪除好彩小魔怪同埋我哋一齊返，唔係真係攞唔到咁多嘢呀!
刪除