雀后~歡迎!歡迎蒞臨朱家天地!

唔想再食了無新意的家常菜？唔知外面的餐廳有無用地溝油？覺得下廚好難、好麻煩？定係，根本無時間下廚？無論如何，自己親手烹調的最健康、最美味同安全﹗ 幸福可以好簡單，為自己的家人洗手作羹湯，雖然平凡，卻絕對是人間美味。平凡的食材、用簡單步驟，就能令你同家人一齊感受舌尖上的幸福﹗ 雀后，自問只是一名平凡的家庭主婦，然而她每天都會用心經營，為家人送上最暖的心意，煮出一道道幸福美味。自從大小魔怪出生後，雀后從不假手於人，一家大小的飲食都是她一手包辦，由買餸醃肉到落手落腳煮，都親力親為，務求家人食得健康，食得開心﹗

2015年2月26日星期四

螞蟻上樹

螞蟻上樹，

其實咪即係肉碎炒粉絲，

今次加埋冬菇和蝦皮，

即刻升呢，

好惹味呀!

材料: 粉絲適量、豬肉碎$10、冬菇2隻、蝦皮1湯匙、蒜蓉、紹酒少許、蔥粒

醃料: 豉油半湯匙、糖1茶匙、粟粉半茶匙、麻油少許、水1湯匙

調味: 蠔油1湯匙、豉油半湯匙、老抽少許、辣豆瓣醬1茶匙、糖1茶匙

做法: 豬肉碎用醃料醃30分鐘；冬菇浸軟切粒；蝦皮浸洗備用；

粉絲浸軟備用；燒熱油鑊加冬菇和蝦皮先爆香，

落蒜蓉、豬肉碎快炒贊酒，加調味煮至肉熟後，

落埋粉絲煮至汁乾上碟，最後灑蔥粒上面便成。