今晚悶悶悶，
大小魔怪和老公都唔返嚟食飯，
剩番我、奶奶和工人姐姐係屋企，
3個人煮咩食好呢???
食飯就肯定架啦!
因為奶奶一定要食飯，
炆碟雞翼和灼菜，
又攪掂一餐囉!
材料: 雞翼15隻、冬菇4隻、雲耳少許、薑1片、蔥粒、紹酒少許
醃料: 豉油1湯匙、鹽1/2茶匙、糖1茶匙、粟粉1茶匙、麻油和紹酒各少許
調味: 蠔油、豉油和老抽各1湯匙、糖1茶匙、1碗半水
做法: 雞翼解凍後用醃料醃2小時；冬菇去蒂浸軟切片備用；
雲耳浸軟去硬蒂備用；燒熱油鑊爆香薑片，
加雞翼快炒數十下，贊少許紹酒，落冬菇、雲耳和調味，
炆雞翼15分鐘，最後灑上蔥粒便成。
大家可以入嚟Facebook讚下我新開嘅Fans專頁呀!
唔係賣廣告，我用普通嘢，豉油用珠江橋牌金標生抽、老抽用淘大金標老抽，蠔油就用李錦記呀!
回覆刪除我試過好多款魚露，果支魚露特別惹味呀!
雞翼真係老少咸宜
回覆刪除以前就係，自從大魔怪食素後，我都好耐冇煮雞翼囉!
刪除可以呀！
回覆刪除雞翼食極都吾厭。
回覆刪除間中唔知食咩餸，煮下雞翼都唔錯架!
刪除雞翼真係百搭
回覆刪除係呀，雞翼點煮都咁好食呀!
刪除可以再講講魚露牌子嗎？我買那些魚露麻麻地
回覆刪除係呀我想請教下整豬腸，我未煮過，頭一次整應買急凍的來做，定買熟的來做，我見豬食譜內食材有次寫買急凍，有次寫買熟的來做，有什麼分別
支魚露叫味露，係可以去呢篇blog度睇下個樣呀!
刪除http://kitva95.blogspot.hk/2013/03/blog-post_2.html
其實急凍豬腸係熟架，買番嚟出出水和清洗乾淨，就可以用嚟炆架啦!
係呀，原來係同一樣野來，唔講都唔知，謝謝分享，還要向妳多多學習。新手學習中
刪除