屋企D蕃茄本來預咗煮俾大魔怪食，
點知佢條脷生痱子，
話唔想食酸嘢喎!
蕃茄擺咗係雪櫃幾日，
唔煮就雪爛架啦!
嘻嘻，
簡簡單單嘅蕃茄牛肉炒蛋，
大魔怪俾咗個靚名俾佢~蕃茄雞蛋燴牛肉，
佢話感覺高貴D喎!
材料: 牛柳肉$40、蕃茄4個、雞蛋3隻、薑片
醃料: 豉油1湯匙、糖1茶匙、粟粉1茶匙、水2湯匙、麻油和生油各少許
調味: 片糖1/8塊、鹽少許、水大半碗
做法: 牛柳肉切片後，順序用醃料醃1小時；雞蛋落少許鹽打發好備用；
蕃茄切件；燒熱易潔鑊落油，倒入蛋液快炒成蛋糊上碟(7成熟)；
燒熱鑊落油落牛柳肉快炒至7成熟後上碟；
爆香薑片後，落蕃茄快炒數十下，落調味煮至喜愛的腍度，
加入牛柳和雞蛋快速炒勻上碟。(如汁多可加少少粟粉水埋茨汁)
(可按個人口味落茄汁一起烹調都可以啊!)
(蕃茄連皮爆香出茄油，咁先帶出蕃茄嘅鮮味架!)
大家可以入嚟Facebook讚下我新開嘅Fans專頁呀!
賣相都好高貴喎
回覆刪除哈哈，改咗個靚名，碟餸都升呢呀!
刪除昨日煮了火鴨雪菜炆米，炆完後，米粉仍然很爽口，請問選用哪個牌子的米粉炆米呢？
回覆刪除我用天鵝牌米粉嚟炆米架!
刪除我通常會加1湯匙茄汁同埋D調味一齊落呀!
回覆刪除真係高贵好多
回覆刪除哈哈，改咗個靚名，係唔同D架!
刪除呢味餸百吃不厭~
回覆刪除由細食到大呀!
刪除我好鍾意跟你食譜煮餸，我想問一問，醃肉時間我見你有半小時一小時同隔日，其實我想問點樣分醃肉時間。thanks
回覆刪除其實想肉入味的話，醃越耐就越入味架，不過如果要返工或趕時間的話，咁就醃半小時或1小時就可以啦！
刪除