銅鑼灣滿屋日本料理

 

噚晚約咗朋友仔去銅鑼灣滿屋食放題，

 

未到6點就上去，

 

走廊已經企滿人等入座，

 

確認booking no後，

 

就可以入座囉!

 

值得讚嘅係刺身好新鮮，

 

不過我叫所有鰻魚類食品全部都冇嚟囉!

 

3個大人加1個小朋友，

 

食力無窮!

 

放題時間: 6:00~8:30，20:45-23:15

 

大人$228加10%，

小童$138加10%，

 

地址: 銅鑼灣廣場2期8樓

 

電話: 3622 3366 / 3622 3316

 

(一定要電話預約呀!)

 

20分鐘湯水~節瓜咸蛋白肉片湯

噚日包糭用咗22隻咸蛋黃，

 

咁D咸蛋白點算好???

 

留起其中4隻咸蛋白，

 

用嚟滾湯或蒸餸都煮好吖!

網友笑說近排一定好多賢妻滾呢個湯水，

嘻嘻，我是其中的一位啊!

2014包糭日

 

今日又係一年一度包糭日；

 

今年唔只包客家咸糭，

 

我仲專登包咗5隻素糭俾大魔怪，

 

過節時，

 

人人都有糭食啦!

啱啱烚起第一轉，

大小魔怪每人已經食咗2隻糭，

咁攪法，

可能過節時已經食哂囉!

 

 

西餅、蛋糕製作精選實習班(六)~第五~十堂

 

呢個蛋糕課程已經上完好耐，

 

仲未post哂所有蛋糕相，

 

襯今日得閒，

 

一次過post哂出嚟啦!

 

第五堂~朱古力布袋蛋糕

 

韓式泡菜牛肉炒粉絲

 

最近睇緊呢套韓劇~一起吃飯吧!

 

 睇呢套戲一定要食咗飯先好睇，

 

唔係一定俾D韓國美食引死架!

 

有得睇冇得食，

 

真係好慘呀!

 

醬爆魷魚鬚

 

今日去佳寶，

 

見到D魷魚鬚都幾靚，

 

於是買咗pack嚟食下啦!

 

呢碟餸，

俾我同小魔怪2個人食哂咁濟，

嘻嘻，

又唔係成日食，

 

膽固醇，

 

應該唔怕掛!
 

 

蜜糖雞翼

 

雞翼，

 

真係點煮都咁好食；

 

呢日我條懶根又出咗嚟，

 

煮得越簡單就越好呀!

 

日式豬軟骨

 

骨肉分離啊!

 

拿拿拿，

 

我唔係講衰嘢呀!

 

我係指係D豬軟骨咋；

 

今朝早炆定個豬軟骨就出街，

 

返嚟就加埋其他配料落多，

 

咁又攪掂一個餸啦!

 

炆到連軟骨都可以食埋，

 

正呀!

 

咸菜炒豬腸

 

客家菜中，

 

咸菜炒豬腸真係好出名架!

 

前日堂弟婦用新鮮豬腸煮，

 

太有咬口啦!

 

咬到牙都軟，

 

老公話鐘意食都唔食得多；

 

咁等我又試下煮啦!

 

不過我用急凍熟豬腸煮，

 

應該會腍身好多呀!

 

惠州飲宴篇(二)

 

2014年5月21日

 

其實惠州好似香港咁，

 

連續落咗好多日大雨，

 

仲水浸得好犀利添!

 

落咁大雨度度都濕淋淋，

 

購物興致大減，

 

不過總會有收穫的。

 

 

惠州飲宴篇(一)

 

2014年5月20日

 

愛你一世我愛你，

 

咁有意義的日子，

 

是嫁娶的好日子啊!

 

昨日大伯、大伯娘、姑奶、老公和我，

 

一行五人上惠州飲宴去。

 

主人家派了專車車我哋由深圳灣到惠州。

 

 

菜脯粟米炒蛋

今日名正言順打斧頭，

因為明天我和老公要返中國飲宴，

所以唔想留舊餸，

食得最簡單至啱，

嘻嘻，打斧頭又成功啦!

母親大人生日晚宴

 

今日係母親大人的正日生日，

 

今朝我哋陪佢返教會外，

 

仲參加教會聚餐添!

 

晚餐我哋就去咗沙田廣場~讌客食飯!

 

個生日蛋糕係4個孫仔孫女夾份送俾婆婆的。

 

呢餐除叫一圍酒席外，

 

仲加咗2個素菜俾大魔怪，

 

個加咗1打壽包，

 

埋單$3782。

 

 

鮑汁花生雞腳

 

襯今日得閒，

 

摷下個雪櫃見到有支鮑汁係度，

 

不如整個小食嘆下囉!

 

鮑汁花生雞腳，

 

出街食幾十蚊碟得5~6隻雞腳，

 

自己整，

 

廿皮咋!

 

半自助餐~銅鑼灣皇冠假日酒店

今日約咗朋友仔去銅鑼灣食嘢，

順便去sogo行下，

適逢係佢哋感謝周年慶，

真係好多人呀!

超多強國人拉喼掃貨，

化妝品、包包等等，

我哋買完嘢後，

就去咗銅鑼灣皇冠假日酒店食半自助餐，

呢個半自助餐團購價$171+10%，

自助前菜、海鮮、甜品、雪糕等任食，

仲可以係五款主菜中任揀一款添!

我哋揀嘅主菜有三文魚和海鮮意粉。

 

蓮藕花生素湯

近排大魔怪考試，

捱夜之餘又作病，

攪到又冇胃口食嘢，

唔想食飯，

飲碗湯水都有吖!
 

 

紅燒牛肉麵

 

小魔怪係牛魔王，

 

見佢呢排唔使返學，

 

一於煮餐牛牛俾佢嘆下啦!

 

今日炆整紅燒牛肉，

 

加埋個上海麵，

 

絕配呀!

 

雜菌豆腐煲

 

好驚險呀!

 

噚晚本來用個瓦煲煮呢個豆腐煲，

 

點知煮煮下佢開始裂開漏汁，

 

即刻拿拿聲換番個LC煲，

 

唔係煮完拎起先裂嘅話，

 

今日應該見唔到我囉!

香煎蓮藕餅

 

噚日母親節晚餐，

 

整咗蓮藕餅，

 

今次用咗豬肉和魚肉兩溝，

 

彈牙又爽口，

 

好味道呀!

 

自家煮的母親節晚餐

 

今日係母親節，

我雀后祝大家母親節快樂呀!

做仔囡的要繼續孝順母親啊!

今晚集齊4位母親過節(奶奶、大伯娘、姑奶和我)，

好開心呀! 今晚菜單有:

雜錦素餃子

 

呢排大魔怪成日話減肥唔食嘢，

 

1日只食1餐都話唔餓，

 

攪到做亞媽嘅我不知幾擔心，

 

驚佢患咗厭食症呀!

 

好彩佢仲識話想食餃子，

 

我緊係唔會say no啦!

 

今朝拿拿臨開工包素餃子!

1斤餃子皮包得72隻，

唔夠食添!

整咗湯餃子配烏冬和煎餃兩款，

仲溝埋個糖醋豉油辣油汁，

啱唔啱食呢???

用咗桂林辣椒油，

辣到出哂汗都要食呀!

蕃茄炒蛋

蕃茄炒蛋，

應該係好多家庭主婦拿手小菜之一，

因有營養之餘，

仲平靚正，

大人小朋友一定鐘意食啊!

芙蓉蛋飯

芙蓉蛋飯，

我咁大個女真係未係街食過，

因為自己整唔難啊!

而且鐘意落咩材料都得，

撈埋雞蛋煎成餅，

快靚正，

配個例湯~節瓜咸蛋肉片湯，

呢一餐又攪掂啦!

芳姨客家私房菜

 

今日約埋朋友仔，

 

3個女人入沙頭角食私房菜，

 

我哋坐55K小巴入去担水坑村落車，

 

跟住就行入村裡面搵芳姨私房菜啦!

 

由於呢度未入到沙頭角，

 

所以唔使攞禁區紙，

 

假期時應該會有遊客去行下，

 

附近有好多攤檔，

 

不過今日就冇開啦！

 

雖然路邊攤檔冇開，

 

但原來係芳姨屋企都有手信買架!

 

 

欖菜干扁四季豆

 

煮四季豆一定要煮熟，

 

唔熟嘅話好容易中毒，

 

所以我煮四季豆，

 

通常會先泡油，

 

咁就唔會唔熟啦!

 

(想知中毒詳情，請click入上面紅字)

 

好友聚會~元朗權發海鮮酒家

今晚約咗朋友仔食晚飯，

 

我哋嚟咗呢間元朗權發海鮮酒家；

 

佢嘅早茶好抵飲，

 

上次8個大人食咗廿幾碟點心都係$290，

 

所以今次就嚟食晚餐，

 

7個大人食咗$833，

 

都算唔錯啊!

地址:元朗鳳攸南街9號號順利大廈地下及一樓
 

 

 

方便飯~泡菜豬肉飯

 

今日天氣唔穩定，

 

時晴時雨，

 

又冇咩好節目，

 

唯有繼續煲韓劇啦!

 

睇得韓劇多，

 

連口味都轉變咗，

 

嘻嘻!

 

鐘意睇韓劇嘅朋友，

 

有冇好介紹呀???

 

 

營養素湯~南瓜蕃茄薯仔甘筍支竹湯

 

今日煲咗個營養素湯~南瓜蕃茄薯仔甘筍支竹湯，

 

南瓜蕃茄溶哂係湯入面，

 

加埋支竹嘅豆香，

 

大愛啊!

2014年澳門遊~第三日

 

4月23日

 

呢日天氣麻麻哋，

 

開始落微微雨，

 

我哋又去台灣老舖食早餐。

 

 

 

客家釀豆腐

 

做客家新抱成廿年，

 

都好少煮客家菜，

 

今次就整呢個啦~客家釀豆腐；

 

咪睇佢好易整，

 

最難就係煎豆腐，

 

因為豆腐好易散，

 

一定要慢火慢慢煎，

 

切忌心急呀!

(客家豆腐嘅精髓~豬肉碎係要用乾蔥頭和咸魚攪勻o架!)