雀后~歡迎!歡迎蒞臨朱家天地!

唔想再食了無新意的家常菜？唔知外面的餐廳有無用地溝油？覺得下廚好難、好麻煩？定係，根本無時間下廚？無論如何，自己親手烹調的最健康、最美味同安全﹗ 幸福可以好簡單，為自己的家人洗手作羹湯，雖然平凡，卻絕對是人間美味。平凡的食材、用簡單步驟，就能令你同家人一齊感受舌尖上的幸福﹗ 雀后，自問只是一名平凡的家庭主婦，然而她每天都會用心經營，為家人送上最暖的心意，煮出一道道幸福美味。自從大小魔怪出生後，雀后從不假手於人，一家大小的飲食都是她一手包辦，由買餸醃肉到落手落腳煮，都親力親為，務求家人食得健康，食得開心﹗

2014年3月20日星期四

XO醬炒陳村粉

仲有半斤陳村粉，

整咩好???

唔想蒸用嚟炒都唔錯架!

簡單又好味道呀!

材料: 陳村粉半斤、肉碎少許、椰菜1/4個、甘筍半條

調味: XO醬適量、豉油1.5湯匙、老抽少許

做法: 椰菜和甘筍切絲；肉碎用豉油、糖、粟粉和麻油醃一陣；

燒熱油鑊落椰菜和甘筍絲快炒，加鹽和糖調味，

落少許水煮至菜腍上碟備用；燒熱油鑊落肉碎快炒至熟後，

加陳村粉和菜絲炒至粉軟身後，落調味炒勻便成。