雀后~歡迎!歡迎蒞臨朱家天地!

唔想再食了無新意的家常菜？唔知外面的餐廳有無用地溝油？覺得下廚好難、好麻煩？定係，根本無時間下廚？無論如何，自己親手烹調的最健康、最美味同安全﹗ 幸福可以好簡單，為自己的家人洗手作羹湯，雖然平凡，卻絕對是人間美味。平凡的食材、用簡單步驟，就能令你同家人一齊感受舌尖上的幸福﹗ 雀后，自問只是一名平凡的家庭主婦，然而她每天都會用心經營，為家人送上最暖的心意，煮出一道道幸福美味。自從大小魔怪出生後，雀后從不假手於人，一家大小的飲食都是她一手包辦，由買餸醃肉到落手落腳煮，都親力親為，務求家人食得健康，食得開心﹗

2014年3月24日星期一

涼拌蒜香麻辣青瓜

連日搽藥酒和貼撤隆巴斯鎮痛貼，

我隻右手已經好番七七八八；

好番少少又想攪嘢啦!

右手唔靈活，

用左手都要拍呀!

材料: 青瓜2條、獨子蒜2粒(剁蓉)、鹽1茶匙

調味: 豉油1湯匙、鎮江醋2湯匙、糖2茶匙、花椒油適量、

豆瓣醬1湯匙、麻油少許

做法: 青瓜切開兩邊頭磨至有白液後洗淨，用刀背拍扁青瓜，

用鹽醃青瓜15分鐘，瀝乾青瓜水後，用抹紙抹乾水份，

把青瓜、蒜蓉、調味放入食物盒內攪勻，放入內雪櫃雪凍1小時便成。

(調味可能隨個人口味加加減減都得o架!)