蠔油薯仔炆雞翼!

呢個薯仔炆雞翼，

真係由細食到大，

雖然係一個好普通嘅餸菜，

不過食咁耐一D都唔覺厭，

尤其我最鐘意食薯仔，

好腍甜o架!

材料: 雞翼2磅、薯仔4個

醃料: 豉油1.5湯、老抽半湯匙、

糖1茶匙、粟粉1茶匙和麻油少許

調味: 蠔油2湯匙和3碗水

做法: 將雞翼解凍後用醃料醃1小時；薯仔去皮切大件；

落少許油略煎煎雞翼表面，加薯仔和調味一齊炆20分鐘便成。

P.S.為近期所發生的事，作為一個母親，我有少少意見。

讓小朋友認識公民教育係重要，不過都要保護小朋友的人生安全o架!

人多聚集的地方，又見周圍的人情緒開始激動時，

甚至做出一些衝擊警察的行為時，係咪要先保護小朋友離開現場呢???

做咩仲要人群之中呢??? 如小朋友發生意外又點算呢??? 

仲有睇見D人越來越暴力，警察只是執行職務維持治安， 

佢哋不停咁推推撞撞，眼見有警員受傷跌倒， 佢哋好似暴民咁圍觀，

好恐怖呀!

 

大家可以入嚟Facebook讚下我新開嘅Fans專頁呀!  

雀后(添飯)Facebook Fan Page