鹽焗烏頭魚!

大小魔怪都幾鐘意食魚o架!

不過次次蒸親魚，

都會要求落好多豉油，

有時我都會懷疑佢哋鐘意食魚定鐘意食豉油呀!

今次整呢個鹽焗烏頭魚，

一滴豉油都唔落，

睇吓佢哋鐘唔鐘意食啦!

                                            

材料: 烏頭魚一條、新鮮檸檬3片、胡椒粉、鹽和鍚紙一張

做法: 烏頭魚洗淨後抹乾水份，包括魚身和魚肚，

用胡椒粉醃魚身和魚肚位置，將3片檸檬放進魚肚內；

預熱焗爐15分鐘；把3湯匙鹽放在鍚紙上，將烏頭魚放在鹽上，

再用3湯匙鹽放在烏頭魚身上，將鍚紙封口包好，

放入焗爐用200度焗30分鐘，撕開鍚紙將鹽撥開，界開魚鱗就食得啦!

P.S. 記得叫魚佬唔好打鱗呀!

        仲有D鹽唔好掂到魚肉，

唔係就好咸啦!

 有人會點普寧豆醬嚟食，

不過我覺得咩都唔點都好鮮呀!

  

大家可以入嚟Facebook讚下我新開嘅Fans專頁呀!  

雀后(添飯)Facebook Fan Page