柱候牛筋腩蒸陳村粉!

自上次食過蒜香排骨陳村粉之後，

我對佢念念不忘呀!

今日我又心思思去咗買嚟食，

今次唔蒸排骨啦!

改用牛筋腩呀!

先炆好柱候牛筋腩後，

加埋陳村粉蒸10分鐘，

灑上蔥粒就食得啦!

依家買條蔥都要錢呀!

不過就儲存唔耐，

大家有冇好嘅方法等D蔥唔好咁快爛呀!

柱候牛筋腩蒸陳村粉

同事話未見過陳村粉喎!

等我影低佢先得!

陳村粉太長，

我切開咗一半先影到呢!

材料: 牛肋條2磅、牛筋2條、薑、蔥、紹酒和冰糖3小粒

調味: 柱候醬1個半匙羹醃料: 豉油1湯匙、糖1茶匙和麻油少許

做法: 牛肋條先用薑、蔥和紹酒出水；先用醃料醃牛肋條，

凍油落Le-creuset 24cm湯煲，爆香薑、牛肋條和柱候醬，

贊少許紹酒，加冰糖和1碗水，炆牛肋條1小時左右後加牛筋炆多半個鐘頭，

最後加老抽調色和粟粉埋獻便成。

 

大家可以入嚟Facebook讚下我新開嘅Fans專頁呀!  

雀后(添飯)Facebook Fan Page