昨晚大魔怪已經話唔舒服所以冇食飯；
老公見佢成晚都冇咩落過肚，
於是一早吩咐工人姐姐炒飯俾佢食，
點知食完冇耐就全部獲利回吐，
嚇死工人姐姐囉!
今晚要食清D，
唔食咁油膩啦!
材料: 雞扒1塊、玉子豆腐3條、什豆4湯匙、蛋2隻、蒜蓉
醃料: 豉油、老抽、糖、粟粉、麻油各少許
調味: 蠔油和生抽1湯匙、糖和粟粉1茶匙、水4湯匙
做法: 雞扒去皮切粒，用醃料醃1小時；什豆出水備用；
2隻蛋加少許鹽和1倍半嘅水打勻；首先將玉子豆腐切塊狀放在大碟中，
連碟連豆腐放在大鑊中一齊燒至水滾；
然後把蛋液倒入碟中用大火蒸2分鐘熄火焗20分鐘；(不要開蓋)
落少許油爆香蒜蓉，加雞粒快炒數十下後，加入什豆、調味煮至汁濃，
最後將什豆雞粒放在蒸好嘅玉子豆腐面便成。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!