係惠州攞咗3斤甜梅菜和5斤咸梅菜返嚟，
梗係要快快消滅佢啦!
俾咗2棵咸梅菜母親大人外，
至於其餘果D梅菜呢???
我要分俾有緣人先得!
當我一攞到D梅菜之後，
我第一樣諗起想整嘅就係呢個梅菜鴨!
梅菜鴨
材料: 米鴨一隻、甜梅菜2棵、薑一大片
醃料: 老抽和紹酒各一湯匙
調味: 豉油2湯匙、老抽1湯匙、紹酒1湯匙、冰糖3粒(中)和3碗水
做法: 米鴨解凍洗淨後去頭和尾部，加醃料醃半日
(最好將醃料搽勻鴨身裡裡外外)；
梅菜浸洗切粒，用白鑊炒至乾身備用；落少許油爆薑和略煎鴨的表面；
將整隻鴨轉入Le-creuset湯煲內，落調味後用小火炆1小時，
隔去鴨面上嘅油後，加埋梅菜一齊炆多1小時，記得反轉鴨身，
容易上色o架!用LC煲有個好處係唔會黐底；
最後試味隨個人喜好加糖調味便成。
P.S. 好味，好味，
真係好好味!
用梅菜嚟炆鴨，
梅菜即係升呢，
唔再係"梅"菜，
變咗"正"菜呀!
鴨肉炆得好腍好入味，
大魔怪食咗3大碗飯，
連佢唔鐘意食梅菜都話好味，
就知呢個餸幾好味啦!
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!