年年過年例牌指定動作~炸腰果!
首先將腰果用鹽水出水後，
舖在抹手紙上吸乾水份約半天；
燒熱油鑊用小火慢慢炸，
千祈唔好心急，
我會用鑊鏟時不時攪攪佢，
等腰果平均受熱，
係呢個時候一定要有耐性等佢哋慢慢炸至金黃色，
一過火就會燶呀!
炸完後，
又要用抹手紙索油，
待涼後灑少許鹽入樽。
我會當寶咁收埋佢，
做餸時最後加腰果撈勻就食得，
好鬼方便呀!
不過一定唔可以俾大小魔怪知係邊，
如果唔係D腰果就會好快冇哂o架啦!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!