街頭小食~咖哩魷魚什丸!

細細個同朋友仔出街，

尤其去親旺角，

我哋都好喜歡掃街。

由街頭掃到落街尾，

炸大腸、生腸雞腳、烤蕃薯、炒粟子、鮮榨蔗汁椰汁、

炒雞翼尖、串燒、炒麵、粉仔、碗仔翅和臭豆腐呀!

不過最鐘意食係咖哩魷魚魚蛋。

幣!

越講越想食添!

今日買唔到魷魚鬚，

搵日要整過呀!

                                              

材料: 魷魚一盒、魚蛋、魚角、墨魚丸、貢丸、蒜蓉和乾蔥蓉

醃料: 咖哩粉1茶匙、豉油1湯匙、老抽少許、糖1茶匙、

粟粉2茶匙、麻油和紹酒

調味: 蠔油2湯匙、海鮮醬1湯匙、咖哩粉1茶匙、豉油半湯匙、

雞粉1.5茶匙、糖1茶匙和水2碗

做法: 魷魚解凍洗淨抹乾水份，用醃料醃1小時；什丸出水備用；

燒熱鑊落油爆香蒜蓉、乾蔥蓉，加魷魚快炒數十下，

落少半碗水加鑊蓋焗至番滾盛起；原鑊加什丸和調味煮5-8分鐘，

落魷魚煮至番滾，用2茶匙粟粉水埋獻便成。

呢個咖哩汁，

大小魔怪俾10個讚!

佢哋話勁似街邊食嘅咖哩魚蛋，

仲話一定要撈汁食飯添呀!

 

大家可以入嚟Facebook讚下我新開嘅Fans專頁呀!  

雀后(添飯)Facebook Fan Page