上次整鵪鶉蛋燒賣時，
買錯咗廣東雲吞皮，
黃色兼有梘水味果隻呀!
好在我買咗5蚊咋。
見大小魔怪咁鐘意食炸嘢，
整俾佢哋食啦!
嘻嘻!其實我都鐘意食啊!
材料: 廣東雲吞皮、蝦仁、豬肉碎和蛋1隻(剩用蛋白)
醃料: 豉油、糖、麻油、粟粉和水少許(醃肉)鹽和胡椒粉(醃蝦)
做法: 豬肉碎用醃料醃1小時；蝦仁去殼去腸，用胡椒粉和鹽醃10分鐘；
將半茶匙肉碎加1隻蝦放在雲吞皮中間，在雲吞皮邊搽上蛋白包住餡料，
對角摺成三角形， 燒熱油鑊後轉細火，將雲吞炸至兩面金黃色，
用廚房紙索乾油份上碟。
**溫馨提示:
~包餡料一定要薄，太厚驚炸唔熟。
~包雲吞時要輕輕襟襟餡料，
等周圍的空氣排出，
唔係有空氣會令雲吞皮澎漲o架啦!
~食時可以點泰式雞醬或沙律醬o架!
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!