探親之旅~惠州!

 

今次返惠州，
我們一行六人~大伯、姑奶和她的女兒、老公、小魔怪和我，
大魔怪留守屋企等客人來。(其實仍想打機就真!)
我哋好耐冇返惠州，
起碼有6-7年；
記得初初上惠州，
只有近西湖邊的樓高少少之外，
其餘我都是平房咋!
真係冇咩高樓大廈，
出到郊區，
D路都係泥路。
不過依家完全唔同哂啦!
成個小深圳一樣，
道路設備完善，
仲有個超現代化嘅體育場添!

我哋行咗一陣就返老公的堂弟家屋企吃晚飯，
老公食得最開心，
因為全部都係佢鐘意食嘅客家菜，
佢仲叫我好好向弟婦學習添!
今次返嚟最開心係食到新鮮雞啦!
D雞係弟婦養o架!
隻隻都有3-4斤以上，
昨日食個隻閹雞有8斤重，
超大隻，仲好有雞味添呀!
不過雞肉係un咗少少。
大魔怪咁鐘意食雞而冇嚟到，
聽我哋講日日食靚雞，
佢好羨慕呢!

吃過晚飯，
大人梗係打麻雀啦!
小朋友就燒爆竹呀!

昨晚，
我哋食咗其中一隻雞和炒白菜芯，
大魔怪食得好滋味，
仲話好耐冇食咁好味嘅雞，
同冰鮮雞一D都冇得比呀!
至於白菜芯用一個字形容~甜!
不過奶奶就唔鐘意食雞啦!
因為佢話肉un喎!
另一隻我今晚會攞去母親大人度食呀!

 
 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page