今日放咗工去百佳買餸，
見到D三文魚腩好靚，
又唔係貴喎，
買返pack先得!
嘻嘻!
我已經充滿Omega-3啦!
材料: 三文魚腩、炸蒜蓉、雞蛋1隻、粟粉4-5湯匙、椒鹽
醃料: 鹽和胡椒粉
做法: 三文魚腩解凍後，用廚紙抹乾水份，用醃料醃半小時；
燒熱油鑊，將三文魚腩沾上蛋液和粟粉，炸至金黃色撈起備用；
將三文魚回鑊加炸蒜蓉快炒，最後灑上椒鹽調味便成。
P.S. 原本我想加埋辣椒仔落去炒o架!
可惜D辣椒俾工人姐姐食哂，
如果唔係呢個餸會更加惹味啦!
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!