火鍋~胡椒豬肚雞煲!

 

依家D天氣乍暖還寒，
一早一晚都係凍凍哋，
大家出街一定要帶件外套呀!
今晚我哋又打邊爐啦!
整咗個我超超超鐘意嘅胡椒豬肚湯底，
今次我獻出我第一次，
第一次買新鮮豬肚煲，
第一次自己洗豬肚，
唔好再講洗豬肚嘅過程，
再講我食唔落o架!
靜靜話俾妳哋知啦!
個頭啖湯正到飛起呀!

胡椒豬肚雞煲

材料: 豬肚1個、排骨$30、雞1隻、胡椒粒$5、扁竹1包、鹽和粟粉

做法: 排骨出水後用少許鹽醃半天；雞洗淨後斬件；

豬肚去肥膏後反轉，用粗鹽反覆洗3次，再用粟粉洗2次，

出水後去豬肚上內白模部份；燒熱一鍋大熱水，

將胡椒粒(開半)、豬肚和排骨煲1小時後，加扁竹再煲多1小時；

撈豬肚切片，隔去胡椒粒後，將湯、豬肚和排骨放在邊爐鍋內，

將雞放入鍋中滾10分鐘，最後加鹽調味便成。

 

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page