南乳蓮藕花生炆豬手

 

天氣凍，

 

好想食D濃味餸。

 

今日我揀咗南乳蓮藕花生炆豬手。

 

我可以唔食豬手，

 

但一定要裝碗大飯，

 

撈埋南乳汁，

 

食哂D花生和蓮藕囉!

 

材料: 豬手1隻、蓮藕半個、花生$5、南乳1磚(大)、冰糖2粒(小)、

 

老抽半匙羹、蒜頭3粒、紹酒少許、薑和蔥

 

做法: 豬手用薑蔥出水備用；蓮藕切大件；花生浸20分鐘後瀝乾水份；

 

落少許油爆香蒜頭，加豬手、花生和南乳快炒數十下，

 

令每件豬手沾有南乳醬，贊少許紹酒，加冰糖和水，

 

水要蓋過豬手面炆1小時；再加蓮藕炆多1小時，加老抽調色後，

 

隨個人口味加糖或豉油調味。

 

 

P.S. 激死我啦!

大魔怪係學校踢波唔見咗副眼鏡呀!

 

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page