儲備!

 

11月28日星期日，
我見得閒咪執執廚房個櫃囉!
嘩嘩嘩!打仗咩???
原來我同老公買買埋埋有好多罐頭，
簡直黐咗線呀!
老公話呢D係儲備嚟o架!
因為依家物價高漲，
見平咪買定囉!
佢仲攪笑到係D罐頭面寫上篇號，
等工人姐姐照住號碼開嚟用，
究竟我哋買咗幾多嘢，
睇吓就知啦!

客家炆豬肉!

昨日大魔怪睇新聞報告，

知道有個客家炆豬肉嘅比賽，

見到好多高手炆到D豬腩肉好鬼正，

佢即刻話:媽咪，我好想食呀!

就係呢一句，

激發起我呢個客家新抱，

點都要識整幾道客家餸掛。

雖然唔係地道客家菜，

不過連奶奶都話炆得好入味，

老公仲話似食盆菜裡面嘅炆豬肉添!

D豬腩肉連皮炆到入口即溶，

大小魔怪每人添咗3碗飯呀!

蒜香魚露焗雞扒!

近期有blog仔都鐘意食呢個蒜香魚露煎雞扒，

不過煎雞扒其實都幾難，

連我都唔係次次都煎得咁靚，

又驚唔熟，又易燶，

所以今日我用咗焗嘅方法，

一樣唔使落油都有脆卜卜嘅效果啦!

加埋生菜墊底，

大小魔怪用生菜卷住D雞扒一齊食，

流露出好滿足咁嘅樣呀!

元朗~嘉麗園!

 

自搬入天水圍後，
好鐘意落元朗嘉麗園食牛腩河，
因為未食過咁好味道嘅牛腩，
而且D牛腩又炆得好腍，
連母親大人都專登由沙田入嚟食。
自蘇玉華係電視介紹完之後，
好想好想再食，
於是襯上次要攞部電腦落元朗整，
我同小魔怪去咗食晚餐，
本來好想試牛雜十寶，
不過小魔怪唔肯食呀!

雖然份量冇變，
不過湯嘅味道冇以前咁濃，
碟魚皮用豉油碟裝咋!
超細碟，
價錢仲越來越貴添呀!

香煎腐皮卷!

今日星期六，

又係要返工嘅日子，

好彩我1個月返一日星期六咋!

其餘的差不多五天工作，

都幾唔錯o架!

放工又逛街市，

見到樣好耐冇食嘅嘢~沙葛。

梅菜炆雞!

呢幾個星期日，

買星島日報都有食譜送，

等我又多咗D煮食靈感。

昨晚我就煮咗呢個餸~梅菜炆雞!

雖然我冇跟足食譜嚟煮，

而且賣相唔係幾相似o架!

不過食落好惹味!

仲係佢~朱古力蛋糕!

哈哈! 

由於前排百住買維X朱古力奶做梗特價，

我前前後後買咗8盒朱古力奶，

所以近排密密整咗幾次朱古力蛋糕，

另外，上星期六妹妹又話好想食喎!

所以又係佢!

下次一定要轉轉口味啦!

越棧~越式湯粉專門店!

 

呢間越棧係元朗廣場地下，
星期日我和同事一家去到都已經成12點啦!
仲係得2個待應招呼客人；
雖然客人唔係好多，
不過我哋都等咗幾耐先有得食呀!

左髀右髀燒鴨腿蝦籽麵!

今日我要留校教興趣班，

所以今晚食外買燒味和炒碟菜算啦!

而我又唔想食飯，

咪煮咗個唔知係左髀定右髀嘅燒鴨腿蝦籽麵囉!

點知到最後都係食得少少咋，

因為有2隻蝗蟲分咗我隻髀同麵呀!

蒜頭豆豉炒花甲!

好耐冇逛街市買餸啦!

因為街市通常都係濕淋淋，

我都幾唔鐘意o架!

不過今日見得閒咪去行吓囉!

又俾我睇到D花甲平平平喎!

2斤都係$28咋!

我梗係唔放過啦!

白菜仲平，

$6有2斤呀!

黃金香茅雞翼!

今日返到屋企，

睇番亞寶得到金牌果一幕，

好感動啊!

一個運動員所負出嘅努力俾我哋每一個人都多，

依家得到大家的肯定，

幾辛苦受訓練都係值得呀!

今晚終於有我等咗好耐嘅劉翔出場啦!

長者日!

今日11月21日是長者日，

下午我和同事帶著一大班小朋友為長者日進行表演，

家長和長者們個個都睇得好開心，

同事們辛苦咗一星期是值得的。

Le-creuset生積?除積!

八卦係我嘅性格，

日日放工返屋企，

第一件事就係開電腦上網，

冇上網一日個心肝仔就會囉囉孿。

果日，就俾我睇到一個blog友嘅網誌，

佢介紹咗一樣係吉之島10炆店買嘅正嘢，

用嚟去Le-creuset頑固污積最啱呀!

因為le-creuset唔可以用強勁清潔劑大力刷，

會損壞煲嘅表面呀!

所以每次炆完餸之後，

我剩係用少少洗潔精和用布抹，

久而久之就積咗D千年污積啦!

係咪咁神奇???

一試咪知道囉!

全雞宴!

除咗大小魔怪係雞狂外，

由於工人姐姐唔食豬肉，

奶奶又唔食牛肉，

所有雞係我家餸菜中出現頻率最高嘅食材呀!

今日就嚟一個全雞宴!

搭過龍~柱候蘿蔔炆牛筋腩!

日日係咁追睇劉醒套劇，

攪到我搭車都攞住本雜誌睇劇情；

就係咁，

今日搭輕鐵都唔記得落車，

唯有行一個站先番到屋企呀!

柱候蘿蔔炆牛筋腩

材料: 牛肋條2磅、牛筋2條、白蘿蔔1個、薑、蔥、紹酒和冰糖3小粒

調味: 柱候醬2匙羹

做法: 牛肋條先用薑、蔥和紹酒出水；先用醃料醃牛肋條，

燒熱Le-creuset 24cm湯煲，爆薑落牛肋條、牛筋和柱候醬，

贊少許紹酒，加冰糖和1碗水，先炆牛肋條1小時後，

加入蘿蔔和牛筋炆多半小時，最後加老抽調色和粟粉水埋獻便成。

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page

人生有幾個十年???

 

恭喜恭喜!

老公今年服務香港政府踏入31年啦!

犀利!

做一份工做足三十年都幾悶。

(我嘅睇法!)

魔鬼與天使!

近排因為喉嚨痛和咳，

所以食嘅嘢都好清，

不過身邊就有好多魔鬼引誘我呀!

凍飲、薯片、炸嘢都一律戒戒戒咗幾日，

今日破戒啦!

下午三點三!

如果大家有食下午茶嘅習慣，

通常會食D咩呀???

最近我就鐘意食時下年青人鐘意食嘅嘢~冷麵和小丸子!

咁即係我都係年青人啦!

屋企商場做梗特價，

$10有5包冷麵配料，

加$3就有7粒小丸子呀!

呢度夾埋都係$26呀!

敗家!

小魔怪用開果部電腦有雜聲，

要攞落元朗整；

原來係張記憶咭風扇壞壞哋，

唔整就好容易會死機，

有2個方案，

1: 保養期未過，攞去咭公司整要3-4星期；

2: 俾$198即刻有得換，約半小時。

唉!

敗家即係敗家，

又要我攞錢出嚟换呀!

LC~鳳爪排骨煲仔飯!

工人姐姐今日放假，

唔想煮咁多餸，

懶得就懶，

整煲仔飯最啱我啦!

美女與野獸~海洋公園!

 

今日，
我哋老師帶家長與小朋友一齊去秋季旅行，
目的地是海洋公園!
寓工作於娛樂，
雖然我們沒有玩機動遊戲，
不過到處逛逛啊!

咸鴨腎豬展粥+炒烏冬!

粥，

大小魔怪都唔鐘意食o架!

次次我煲親粥，

佢哋一定會投訴o架；

襯呢幾日食藥食到口淡淡，

剿到雪櫃有幾隻咸鴨腎，

咁就煲咗呢個粥啦!

剩食粥唔夠食，

炒埋個烏冬就啱啱好!

雜錦煲!

 

今日天氣變化都幾大，

 

早上雖然唔係好熱，

 

不過都有太陽和25-6度左右，

 

但當我3點幾4點放工之後，

 

天色開始變暗，

 

買完餸之後仲落大雨添!

 

天文台今次都幾準喎!

 

早幾日前已經話今晚會落雨和開始涼，

 

抵讚! 

 

見天氣開始涼，

 

咁我又整個雜錦煲食吓啦!

 

呢個雜錦煲真係好就個人喜愛，

 

鐘意加咩落去都得!

 

點解D料好似打邊爐o架!

 

因為大小魔怪話打邊爐太煩啦!

 

又要等水滾，又要等D嘢食熟喎!

 

我唯有一煲過煮熟佢，咁咪唔使等囉!

　　

日式照燒豬軟骨烏冬!

今日，

我依然失聲，

而且咳和鼻水仲一齊嚟探我添!

本來下午我要留校教手工班，

不過食咗藥後，

個人好似係浮台咁浮浮吓，

都要暫停一次啦!

唔想食飯，

所以整咗呢個嚟食呀!

孖蒸!

做我哋呢D家庭主婦，

唔係餐餐都要煮得好複雜，

有時簡簡單單的幾味蒸餸，

家人都會食得滿意開心!

榨菜蒸豬頸肉

材料: 豬頸肉2塊、榨菜半個

醃料: 豉油、老抽、糖、粟粉、紹酒和麻油 

做法: 榨菜清洗後用水浸淡咸味；豬頸肉切片後用醃料醃1小時左右，

煎15分鐘便成。

咸蛋黃雞蛋蒸豬肉餅

材料: 豬肉碎$20、雞蛋1隻、咸蛋黃一個

醃料: 豉油、老抽、糖、粟粉和麻油

做法: 用醃料醃豬肉碎1小時，將打發好的蛋液淋在肉餅面，

將咸蛋黃放在肉餅中間，蒸15分鐘便成。

前兩日鼻敏感發作未痊癒，

昨晚開始喉嚨痛添，

成晚都咩點瞓呀!

放工返嚟即刻去睇醫生，

嘩!等咗成個鐘先見到醫生；

好想食粥，

點知間粥舖休息，

好黑仔呀!

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page

勁香~朱古力蛋糕!

呢幾日，

我D鼻敏感又嚴重咗，

成晚鼻塞塞，

攪到我冇覺好瞓；

食埋D西藥仲慘，

攪到我連食嘢都好似冇哂味道呀!

要整D好味嘢食安慰自己先得!

紅燒冬菇炆豬肘!

係中國大陸，

我最鐘意食豬肘子，

因為多肉兼炆得好腍呀!

不過次次佢哋都係辣辣哋，

雖有自己煮一次唔辣嘅版本啦!

禾輋~樂園!

 

出街食飯，
我最鐘意去大排檔，
貪佢哋夠鑊氣呀!
襯依家天氣涼涼哋，
昨晚同家人一齊嚟呢度食晚飯啦~禾輋樂園!
好鬼抵，
加埋5個飯和下面嘅小菜，
食咁多嘢都係$484咋!

布吉:湘田源酒家

 

今次返中國布吉，
屋企附近又多咗幾間新嘅舖頭食嘢啦!
我哋揀咗間門面較靚嘅，
叫湘田源酒家，
專食湖南和粵菜呀!
我哋唔食得太辣，
所以點咗D已經話唔辣的，
點知......!
總共盛惠174人民幣!

孜然焗豬寸骨!

我又要清雪櫃冰箱物資啦!

因為我又訂咗D新貨番嚟，

唔清都唔得呀!

日式咖哩雞翼!

喜歡日式咖哩唔辣仲甜甜哋，

啱哂大人細路和老人家食；

尤其係小魔怪，

佢會用大湯碗嚟裝飯食，

撈到成碗都係咖哩汁添!

下午茶!

我都唔記得邊日嘅下午茶啦!

有新買嘅香草豬肉腸、魚皮餃和紫菜，

加埋2個幼麵，

同大魔怪一齊食呀!

小魔怪日日放學後留校打籃球好夜返，

所以冇得食呀!

好攰呀~蠔油花雕雞髀!

攰!攰!攰!

呢排學校又有新生入學，

平時乖乖的小朋友，

一見到學校有新小朋友和家長出現，

他們又會開始扭計要搵媽咪呀!

又D仲唔聽話走來走去添!

整個上午我都不停咁郁，冇時停，

做到我好似隻dog dog咁呀!

例牌!

今日我好想飲例牌湯呀!

咩係我嘅例牌湯???

就係呢個合掌瓜紅蘿蔔粟米蜜棗瑤柱排骨湯啦!

沙田麗豪酒店~濠餐廳!

 

昨日係妹妹妹夫新居入伙的大日子，
我哋參觀完新居後，
一行十人浩浩蕩蕩到沙田麗豪酒店食自助餐!