自從7月尾大小魔怪投訴放假咁耐差不多隔日食雞翼，
我都有成個星期冇整過啦!
見今日街市凍肉舖啱啱開箱D雞翼好鬼靚，
又忍唔住買咗2磅番屋企呀!
剿剿書睇吓點整先得!
一係唔整，
一整就大陣仗開鑊炸!
材料: 雞翼2磅、麥皮10湯匙、麵粉5湯匙、雞蛋2隻和味椒鹽
醃料: 豉油、老抽、紹酒、糖、麻油、蒜蓉和牛油(溶液)
做法: 雞翼解凍抹乾水份，用醃料醃2小時：將雞翼逐一放在大袋中，
加入麵粉搖勻(圖一)，最後沾上蛋漿和麥皮，用手掐緊雞翼和麥皮，
放在熱油上炸至金黃色，灑上香草和味椒鹽便成。
蒜頭豆豉涼瓜炆魚
材料: 涼瓜2個、鯇魚腩$15、薑片、蒜蓉、鹽和胡椒粉
調味: 蒜頭豆豉醬1湯匙、糖、豉油、粟粉和水1碗半
做法: 魚腩洗淨用鹽和胡椒粉醃2小時；燒熱油用薑片起鑊，
取出魚腩沾少許粟粉煎香備用；涼瓜洗淨切條用鹽醃15分鐘沖水瀝乾；
爆香蒜蓉和蒜頭豆豉醬加涼瓜快炒蚊十下，
加調味煮5分鐘後加魚炆多5-8分鐘至汁濃為止。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!