8月14日星期六，
我、老公和大小魔怪換完回鄉証後，
咪順便行吓吉之島囉!
不過屯門市廣場係度裝修梗，
攪到我哋冇哂方向感呀!
都唔知道自己行咗去邊；
終於俾我哋行咗去吉之島超市啦!
真係唔覺唔覺行咗粒幾鐘添!
仲買咗2大袋嘢呀!
係吉之島買咗個急凍鳳尾蝦，
超市亞姐話呢個蝦好正，
最好整蝦蝦天婦羅喎!
材料: 急凍蝦20隻、茄子1隻、日式南瓜半個、 蛋1隻、
天婦羅粉一杯和冰水一杯
醃料: 幼鹽少許和胡椒粉
做法: 大蝦解凍後，用醃料醃30分鐘；茄子和日本南瓜切片備用；
將蛋打發後加天婦羅粉和冰水內攪勻，記得不要太浠和杰呀!
燒熱滾油，將蝦、茄子和日本南瓜逐一沾上粉漿，
落油鑊炸至金黃色撈起放在抹手紙上索油，食時點七味粉或椒鹽。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!