粟米魚肚肉碎羹

 

明天莘莘學子開學啦!

 

各位同學仔做哂功課未呀???

 

記得大小魔怪細細個時，

 

呢兩日就係趕功課嘅大日子；

 

嚟緊大小魔怪都要返學，

 

到時又係食冇定時架啦!

 

記得話個時間表俾我，

 

等我煮定D好嘢俾你哋食啦!

 

素湯~猴頭菇栗子粟米甘筍紅腰豆蜜棗湯

 

噚日煲咗呢個素湯，

 

真係超好飲，

 

母親大人連飲咗3大碗，

 

仲話素湯都煲得咁好味，

 

唔錯唔錯!

 

舊曆生日

 

今日係我舊曆生日，

 

所以提前約埋母親大人、姐姐和妹妹一家齊齊嚟慶祝，

 

多謝妹妹送給我的生日蛋糕。

 

喂喂喂，

 

我仲要慶祝新曆生日架!

 

 

 

椰香芋仔炆雞翼

臨近中秋，

 

街市又有芋頭仔賣啦!

 

買咗2斤返嚟，

 

除咗用鹽水烚嚟食外，

 

用嚟炆餸都得架!
 

 

蒜香香草焗雞髀

 

哈哈，

 

終於有人開口投訴啦!

 

話我打斧頭都唔係咁狼死喎!

 

幾隻雞髀係滿足唔到佢哋架!

 

好啦!

 

下次加多件咸魚俾大家食啦!

 

雜菜炒烏冬

 

今晚我要學整麵包，

 

所以炒定個烏冬俾大魔怪食，

 

但未到晚飯時間佢已經食咗大半碟囉!

 

 

粟米燴豬扒

 

今次煮呢個餸粟米燴豬扒，

 

真係老少咸宜，

 

至啱鐘意撈汁食飯嘅我添呀!

燕麥馬蹄蒸豬肉餅

 

每次買桶麥皮返屋企，

 

真係好有決心去食架，

 

不過我冇咩恆心，

 

食食下就唔想食，

 

唯有用嚟蒸肉餅，

 

蒸出嚟個肉餅真係滑好多架!

唔信???

 

妳哋都試下啦!

 

老火湯~馬蹄粉葛伏苓茶樹菇豬展湯

堂弟婦係惠州買咗好靚嘅馬蹄俾我，

粒粒都脹卜卜架；

我留起幾粒嚟煮餸，

其餘的馬蹄，

我攞哂嚟煲湯喇!

粉葛~袪骨火、土伏苓~袪濕熱解毒，健脾胃、

馬蹄~清熱、茶樹菇~降血壓，抗衰老和抗癌等功效!

客家菜~煎釀涼瓜

 

呢排返惠州真係好密，

 

噚日又同姑奶上咗去周圍行下食下；

 

記得上次返惠州買咗2條苦瓜落嚟，

 

整咗老公鐘意食嘅煎釀苦瓜。