今日香港下午開始落大雨，
所以大小魔怪都唔願出街，
佢哋話晚餐想食麻辣香鍋喎!
咁我拿拿臨落街買材料，
肉類就買咗雞、雜丸和芝士腸，
蔬菜就買咗蓮藕、萵筍和青瓜，
呢類香鍋落咩材料都得，
各有所愛呀!
材料: 雞1隻、雜丸、芝士腸、蓮藕、萵筍、青瓜、薑大舊(拍扁)、
乾蔥頭2個(切片)、蒜蓉、蔥段、辣椒乾適量、紹酒1湯匙、水少許
醃料(雞): 豉油1湯匙、蠔油1湯匙、鹽1茶匙、糖1茶匙、
生粉1茶匙、麻油少許、紹酒少許
調味: 麻辣雞煲醬半樽、糖1.5茶匙、老抽(調色)
做法: 雞斬件後瀝乾水份，落醃料醃1小時；
蓮藕去皮切片；萵筍去皮切條；青瓜指扁切條；
雜丸、芝士腸和蓮藕先灼熟撈起備用；
燒熱油鑊落薑、乾蔥片、蒜蓉爆香後，落雞件煎至兩面微焦黃後，
加調味和贊少許紹酒炒勻後，落大半碗水煮10分鐘；
落雜丸、芝士腸、蓮藕、萵筍和青瓜煮多5分鐘或至收濃，
最後落蔥段和辣椒乾炒勻後上碟。
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!