今晚大魔怪由日本飛返香港，
佢同女朋友仔响日本奈良和京都玩咗6日，
日日都食得好豐富，
返到嚟我緊係要煲番個芫茜魚片皮蛋豆腐湯，
個湯煲到奶白奶白，
好下火架!
收到好多日本手信，
好多綠茶食品，
哈哈，
特別有盒綠茶咖哩，
好特別呀!
材料: 芫荽$5、鯇魚片一條($12)、皮蛋1隻、有機滑豆腐1盒、薑3片
做法: 芫荽洗淨後切段(芫荽頭留用)；豆腐切粒；
洗淨魚片後切片，放入大碗內落少許鹽、胡椒粉和麻油醃一陣；
皮蛋去殼後切粒；燒熱4碗水，加薑片、芫茜頭、豆腐和皮蛋粒，
先滾5分鐘，然後加入鯇魚片和芫茜煮至翻滾至魚片熟，
最後按個人口味落鹽和胡椒粉調味便成。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!