噚日買咗1.5磅牛肋條，
買埋蘿蔔整咗煲清湯蘿蔔牛腩，
做法非常簡單，
個湯都俾老公和小魔怪飲埋呀!
材料: 牛肋條1.5磅、蘿蔔1個、鹽適量、芫茜適量、薑3片、薑一大舊、
紹酒1湯匙、白胡椒粒適量、胡椒粉、八角1粒、香葉3~4片
做法: 將牛肋條放入鍋內加入薑3片、紹酒1湯匙和水煮滾出水8分鐘，
取出用水沖乾淨切粒備用；蘿蔔去皮滾刀切大件；
燒熱5碗水，落牛肋條、薑一大舊、白胡椒粒、八角和香葉煮滾後，
轉小火煲45分鐘，撇去牛腩湯內多餘油份後，加蘿蔔煲多30分鐘，
最後落鹽、胡椒粉調味及灑上芫茜便成。
大家可以入嚟Facebook讚下我新開嘅Fans專頁呀!
嘻嘻，真係懶人之選呀!
回覆刪除