今日買咗一大棵西芹$10，
摘咗幾條嚟炒蝦仁和帆立貝，
小魔怪鐘意食爽口嘅西芹，
估唔到大魔怪都一樣咁鐘意食喎!
兩個都食唔停口，
睇嚟下次要炒多D先得啦!
材料: 急凍鳳尾蝦8隻、帆立貝6隻、西芹4條、甘筍少許(切片)、
蒜蓉、薑片、辣XO醬適量
調味: 蠔油半湯匙、豉油少許、糖半茶匙、生粉1茶匙、水3湯匙
做法: 西芹去皮切片；甘筍去皮切片；
蝦仁和帆立貝解凍後，放入熱水內灼至翻滾後撈起備用；
燒熱水，落西芹和甘筍灼1分鐘後盛起備用；
燒熱油鑊落薑片、蒜蓉、西芹和甘筍片快炒，
加入辣XO醬、蝦仁、帆立貝和調味炒至汁濃便成。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!