今朝未夠八點就去買豬肉，
早去俾我買咗天下第一刀，
即係梅頭肉最爽口嘅部份，
豬肉有少少肥又爽口，
用嚟炒、蒸和做叉燒都好好食架!
今晚就用咗佢嚟整咗呢碟蝦醬粉絲蒸豬肉，
豬肉和粉絲索哂蝦醬鮮味，
呢次真係要添飯呀!
材料: 梅頭豬肉$35、粉絲適量、薑絲、蔥粒》蝦醬1茶匙
醃料:豉油半湯匙、糖1茶匙、生粉1茶匙、油少1許
做法: 梅頭豬肉洗淨後切薄片，加入醃料醃1小時；粉絲浸軟(可剪段)；
從雪櫃取出豬肉，放室溫30分鐘後，加入蝦醬撈勻豬肉，並放在粉絲面，
舖上薑絲，放入熱水鑊內用大火蒸15分鐘，最後灑上蔥粒便成。
~天下第一刀嘅豬肉，屬於豬頸椎位，梅頭肉嘅一種，全隻豬得一件，
食落唔太腍，但香滑得嚟好爽口架!
~如果買梅頭豬肉嘅話，帶有少少肥口感更佳；
~留意蝦醬咸度，太咸的話記得要自行調節糖份呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!