小魔怪話好耐冇返惠州，
佢個回鄉證已經過咗期，
襯12月底仲可以用過期嘅回鄉證過關返大陸，
所以噚日星期三8/11，
我、老公和小魔怪返惠州飲飲食食；
我哋經蓮塘口岸過關，
call滴滴車去大亞灣霞涌食海鮮，
自己買海鮮後去酒樓加工，
呢餐食咗460人仔，
小魔怪話平靚正，
好抵食呀!
食完海鮮，
辦埋私人事後，
我哋就返惠州新屋喇!
途經人民路夜市，
食埋晚餐先返屋企喇!
响霞涌食午餐期間，
買咗老婆婆親手整嘅花生糖糯米糍，
好多料又大個，
唔錯架!
之後同小魔怪揀咗一大埋零食，
滿載而歸呀!
加入咗屋苑嘅微信美團團購，
想訂新鮮食品，
今日網上訂貨，
明天一早就會送到屋苑附近自取站，
到時經過就可以去攞，
真係唔使出街都可以買到餸呀!
我買咗少少嘢，
試下又真係幾方便喎!
星期四9/11，
落街買咗早餐俾大家食，
小包仔5蚊人仔有6個，
肉燥熱干麵8蚊人仔，
呢餐買咗18蚊，
好抵食呀!
hea到11點幾，
我哋call滴滴車返蓮塘口岸，
上咗2樓食牛肉火鍋，
呢餐食咗386人仔，
我哋覺得好抵食呀!
順便係蓮塘口岸商場行咗個圈，
買埋今晚嘅餸就過關返屋企喇!
大家可以入嚟Facebook讚下我新開嘅Fans專頁呀!
我早兩日也是經蓮塘口岸回港, 口岸真係好多野買呀, 學你上次咁買咗燒肉大閘蟹. 哈哈~
回覆刪除哈哈，呢幾次經蓮塘口岸，我都買唔停手呀!
刪除