五香淮鹽煎雞翼

屋企有樽五香淮鹽，

都用咗好耐囉!

唔知超市仲有冇得賣呢???

我好鐘意用佢嚟醃雞翼，

用咗佢就唔使落其他調味料，

真係好方便架!

今次我用明火慢慢煎香佢，

煎到雞翼皮脆卜卜，

咸咸香香好惹味架!

材料: 雞翼8隻

醃料: 五香淮鹽適量

做法: 雞翼解凍後，用廚紙抹乾水份，响雞翼底面界幾刀，

落醃料醃8小時或以上；從雪櫃取出雞翼放室溫45分鐘；

燒熱易潔鑊加少少油，落雞翼(皮向下)加鑊蓋煎焗2~3分鐘，

將雞翼反轉加鑊蓋煎焗2~3分鐘，將雞翼打側少少煎雞翼兩側，

再慢慢煎多8分鐘至雞翼兩面金黃色便成。

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page