今日竟然俾我係佳寶買到剪哂指甲嘅炸鳳爪，
買咗一磅嚟炆腩排，
用咗蒜頭豆豉汁嚟炆，
炆到D鳳爪入哂味，
一入口即脫骨，
真係好鬼正架!
材料: 腩排1斤、炸鳳爪10隻、蒜蓉、豆豉粒、薑6片、紹酒適量
醃料: 豉油1湯匙、鹽半茶匙、糖1茶匙、生粉1茶匙、麻油少許
調味: 蠔油1湯匙、老抽適量、糖1茶匙
做法: 炸鳳爪放入熱水內，加入薑3片和紹酒出水5分鐘，取出沖洗乾淨；
腩排洗淨後，落醃料醃30分鐘；
燒熱油鑊落薑3片、蒜頭豆豉炒香後，落腩排快手炒勻，
加入炸鳳爪、調味和1.5碗水，煮滾後轉小火慢慢炆30~45分鐘，
最後落生粉水埋芡汁便成。
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!