唔想再食了無新意的家常菜？唔知外面的餐廳有無用地溝油？ 覺得下廚好難、好麻煩？定係，根本無時間下廚？ 無論如何，自己親手烹調的最健康、最美味同安全﹗ 幸福可以好簡單，為自己的家人洗手作羹湯， 雖然平凡，卻絕對是人間美味。 平凡的食材、用簡單步驟，就能令你同家人一齊感受舌尖上的幸福﹗ 雀后，自問只是一名平凡的家庭主婦，然而她每天都會用心經營，為家人送上最暖的心意，煮出一道道幸福美味。自從大小魔怪出生後，雀后從不假手於人，一家大小的飲食都是她一手包辦，由買餸醃肉到落手落腳煮，都親力親為，務求家人食得健康，食得開心﹗
襯今日一家人都係屋企食飯，
拿拿臨攞個特大湯煲出嚟，
煲個老火湯先得；
蓮藕鱆魚綠豆馬蹄紅蘿蔔排骨湯，
係我家至愛湯水之一嚟架!
材料: 蓮藕2節、鱆魚乾1隻、紅蘿蔔1個、馬蹄12粒、排骨頭$80、
、綠豆4湯匙、蜜棗3粒、瑤柱8粒
做法: 排骨出水後落鹽醃2小時；鱆魚浸軟後剪片；
蓮藕和甘筍去皮切件；馬蹄去皮；蜜棗和瑤柱沖水備用；
將12碗水放入煲內煲滾後，加所以材料煲滾10分鐘後，
轉小火煲慢慢煲2小時，最後加鹽調味便成。
我來飲靚湯。
歡迎歡迎!
如果大家覺得我煮嘅餸菜啱哂口味嘅話，不妨留個言，鼓勵下我啦!
我來飲靚湯。
回覆刪除歡迎歡迎!
刪除