茄子肉碎燴粉絲

噚晚煮咗一大碟茄子肉碎燴粉絲，

有菜有肉有粉絲，

老公和我食咗半份，

留番半份俾大魔怪返嚟食飯呀!

因為冇油炸茄子，

煮出嚟茄子顏色冇咁靚，

不過咁，

好食就得啦!

材料: 幼身茄子4條、豬肉碎$20、粉絲適量、蒜蓉、生粉水

醃料: 豉油2茶匙、鹽半茶匙、糖1茶匙、生粉1茶匙、麻油少許、水1湯匙

調味: 辣豆瓣醬1茶匙、蠔油1湯匙、豉油半湯匙、糖1茶匙、老抽少許

做法: 豬肉碎落醃料醃15分鐘；粉絲浸軟，茄子用滾刀切角；

燒熱油鑊落油，落茄子炒至軟身或轉色後上碟；

原鑊加少許油落蒜蓉和豬肉碎炒至轉色後，

加入調味和水1碗煮滾後，落茄子煮至汁濃，

落粉絲煮至軟身，最後加少許生粉水埋芡汁便成。

 

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page