豬腱兩食~皮蛋瑤柱豬腱粥&五指毛桃豬腱湯

依家香港買豬肉真係好貴好貴，

啱啱買咗一舊豬腱要成$87，

比起以前，

呢個份量只係值$50左右；

今餐買呢舊豬腱，

我分開咗佢嚟煲粥和煲湯，

好彩我哋係會食埋D豬腱肉，

所以一D都唔會嘥呀!

皮蛋瑤柱豬腱粥

材料: 米大半杯、豬腱適量、瑤柱3粒、皮蛋1隻

做法: 豬腱出水後，落鹽醃1小時左右；瑤柱洗沬後用水浸至軟身後拆絲；

皮蛋去殼切粒備用；米洗淨段落少連鹽和油撈勻；

燒熱8碗水，加入米、瑤柱(連浸瑤柱水)和豬腱肉，

用中火煮滾後唔需要加蓋，不斷滾至粥綿後，落皮蛋粒和鹽調味便成。

五指毛桃豬腱湯

材料: 五指毛桃1扎、粟米1條、甘筍2條、豬腱、蜜棗3粒

做法: 豬腱出水後落少許鹽醃1小時；粟米和甘筍去皮切件；

五指毛桃浸一陣略剪碎；燒熱8碗水，放入所以材料煲滾後，

轉小火慢慢煲1.5小時，最後落鹽調味便成。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page