亂棍打死牛魔王~豆角炒牛肉

亂棍打死牛魔王~豆角炒牛肉；

唔知係咪賣大包，

今日係牛肉檔買咗$45牛柳肉，

炒出嚟竟然成碟都係牛肉，

好抵食喎!

材料: 豆角$15、牛柳肉$45、蒜蓉、薑片、紹酒少許

醃料(1): 豉油1湯匙、糖1茶匙、生粉1茶匙、水2湯匙

醃料(2): 麻油1茶匙、生油1茶匙

調味: 蠔油1湯匙、鹽半茶匙、糖半茶匙

做法: 牛柳肉切片後落醃料(1)醃20分鐘後(等牛肉將水份吸收)，

再落醃料(2)撈勻雪1小時；豆角切段備用；

燒熱油鑊落薑片煎香，加入豆角快炒數十下後贊酒，

落鹽、糖和水煮至豆角淋後盛起；

原鑊落少許油落蒜蓉爆香，加入牛柳片略煎至轉色後，反轉煎另一面，

快手炒勻至8成熟後，落埋豆角和蠔油炒勻，加少許生粉水埋芡汁便成。

~用牛柳肉肉質嫩滑，用嚟炒就最啱喇!

 

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page