2019台灣之旅~第二日

3月1日(星期五)

今朝7點半，

老公和我已經落咗酒店餐廳食早餐，

呢度早餐雖然唔係太豐富，

但勝在味道都唔錯，

而且素食都比較多，

啱哂食素嘅朋友呀!

 老公同學在台北訂咗2架車，

嚟緊呢2日半，

我哋都會坐車周圍去玩呀!

咁啱得咁橋，

我哋嚟台灣呢4日，

係台灣嘅228和平紀念日，

連續有幾日假期，

可以講所有景點都會好多人呀!

第一站我哋去士林官邸睇花!

第二站就係上陽明山睇櫻花喇!

人山人海，

周圍都係人呀!

之後司機安排我哋就去竹子湖食午餐。

見仲有時間，

司機車咗我哋去二子坪行山，

由於天雨路滑，

樓梯好多青苔，

有幾個人(包括我)留係原地等其他人行算啦!

回程時係陽明山塞車塞咗1個半鐘先返到地面，

瞓咗幾輪都未到呀!

我哋叫司機求其車去大潤發(超市)，

滿足一下我哋shopping嘅慾望。

大潤發樓下有間義式餐廳，

坐低食埋個晚餐先坐的士返酒店呀!

返到酒店先係9點幾，

約埋有興趣行夜市嘅同學，

行下附近嘅五分埔商圈和饒河街夜市，

其實我哋唔係好熟路，

不過有goole map幫手，

好易搵到呀!

太飽食唔落嘢，

剩係食咗個胡椒餅咋!

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page