一期一會釜山6日之旅~第四日

3月13日(星期三)

今朝我哋去參觀金井山梵魚寺，

坐地鐵去老圃站轉90號巴士，

係Beomeosa ticket office站落車(梵魚寺售票處)，

雖然話係梵魚寺售票處，

嚟呢度係免費入場架!

提提大家，

呢張T-money咭(即類似香港八達通)，

係前幾年去韓國首爾買架，

只要去便行店充值，

搭地鐵、巴士或火車都用得，

好方便架!

韓國櫻花仲未有得睇，

但梅花就開始啱啱開喇喂!

 觀光途中，

有位懂英語嘅導遊伯伯，

話俾我哋知梵魚寺有免費午餐供應，

不過食完餐後要自己清洗碗筷，

咁特別嘅經驗，

我哋緊係要試下啦!

離開梵魚寺，

我哋就搭地鐵去溫泉場站，

諗住浸下免費溫泉水啦!

點知搵咗一輪，

又問埋當地人，

終於搵到喇，

但一場嚟到，

竟然冇開，

超失望囉!

 行到攰就搵間麵包店嘆下午茶，

補充體力後先有力量去Home plus(超市) shopping呀!

呢間home plus係溫泉場站嘅對面，

行完就搭地鐵返酒店，

放低哂所有戰利品係，

肚餓到呢，

諗諗下，

呢兩日好似冇肉落過肚，

餐餐都係掃街或食海鮮，

今餐終於有肉食啦!

拿，

睇落好似好多肉咁，

但其實呢個份量6個人分嚟食，

每轉燒完每人食3~4件就食哂，

燒3,4轉左右就冇架啦!

而且我哋仲會包好多菜和泡菜一齊食添!

所以應該唔會好肥掛!!!

  

大家可以入嚟Facebook讚下我新開嘅Fans專頁呀!

 雀后(添飯)Facebook Fan Page