2019台灣之旅~第三日

3月2日(星期六)

今日終於齊哂14人啦!

食完早餐之後，

繼續司機安排嘅行程喇!

第一站~琉璜谷，

我哋冇行琉璜谷，

只係觀景台度影相咋!

影咗15分鐘左右又要上車去另一個地方呀!

第二站去天元宮，

呢度櫻花仲未開，

剩係門口有幾棵開咗嘅櫻花咋!

走馬看花，

轉眼又到第三個地方~富貴角公園，

遠望海景、燈塔和吹吹風咁啦!

司機早午安排我哋嚟呢度食海鮮，

唔使講，

每人二佰蚊都唔使就有一餐豐富海鮮餐，

呢個份量仲係2圍枱14人食，

每樣餸都係2大碟(除魚外)，

超抵食呀!

食飽飽去附近魚市場行下消化下先得囉!

睇到咁多新鮮海鮮，

真係好想再食過呀!

租車有咩好，

行程超隨意，

見有個婚紗廣場，

緊係要落車影下相啦!

第六個景點係淡水紅毛城，

入場費80台幣，

即港紙廿蚊左右，

都算抵喇!

之後慢慢行去淡水海關碼頭呢邊，

冇淡水老街果邊咁多人，

吹吹風，

好舒服架!

我哋一邊食tea，

一邊睇日落，

好嘆啊!

今日行程完畢，

司機車我哋返酒店，

休息一陣又出發去西門町行下喇!

年輕人愛玩嘅地方好熱鬧，

我哋求其搵嘢食，

行咗一陣就返酒店瞓覺囉!

 
 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page