一期一會釜山6日之旅~第五、六日(完結篇)

3月14日(星期四)

今朝冇係酒店食早餐，

係酒店附近求其搵間餐廳試下食韓式早餐，

哈哈，

看圖點餐亂點一通!

食完早餐後，

我哋搭巴士去釜山市場，

一個巴士站嘅路程轉個彎就到啦!

朋友笑說一上車就要即刻打鐘落車呀!

其實行都可以行到去，

但唔係咁熟路，

都係搭車穩陣D囉!

落車後過對面馬路就係釜山市場喇!

釜山市場四通八達，

周圍附近又有好多商舖，

真係好易迷路架!

臨走前係市場買咗好多嘢食返酒店開餐，

有韓式豬手、豬尾、紫菜包飯、生菜，

仲叫酒店經理幫我哋叫出名嘅橋村炸雞，

唔好講咁多，

開餐啦喂!

食飽就唔願"郁"，

朋友仔繼續出外血拼，

我和另一個團友就繼續係酒店房做"豬"呀!

夜晚先call我哋出去搵食~松亭三代豬肉湯飯。

話說朋友仔話嚟呢度食嘢，

問我哋係酒店識唔識出嚟，

話時話，

我冇嘢叻，

認路都幾好架，

除非未去過啦!

之前經過一兩次都認得下路架!

呢度豬肉湯泡飯和豬雜(豬肚)湯泡飯，

亞珠媽用韓文介紹我哋點食呢個泡飯，

雖然唔識聽，

但佢講得好投入，

仲做埋動作，

讚呀!

3月15日(星期五)

今日係釜山最後一日，

我哋出去食韓國人氣麵包店~isaac吐司，

呢間分店係釜山樂天百貨(釜山總店)對面呀!

唔知係咪我哋大食，

食完仲未覺得飽，

又去搵食啦喂!

我好鐘意食韓國年糕和魚糕，

次次見到都想食番寸，

佢哋嘅湯汁仲好鮮味，

飲埋杯熱湯，

好暖身架!

快樂嘅時光好快過，

又要同釜山講拜拜啦!

本來想叫酒店幫我哋訂兩部的士出機場，

經理話可以幫我哋訂部9人車，

35000won即$244左右，

好抵喎!

每人買咗30kg行李，

我個喼仲有位剩，

都唔係買咗好多嘢啫!

T-money咭仲有錢剩，

係便行店買埋飯糰、蝦條和香蕉奶，

下次再嚟先再入番錢落去就得!

  

大家可以入嚟Facebook讚下我新開嘅Fans專頁呀!

 雀后(添飯)Facebook Fan Page