小魔怪終於係馬來西亞返咗嚟啦!
返嚟之後，
佢又要好勤力咁工作喇!
為咗儲錢再飛過去探女朋友仔，
佢話明要慳錢，
所以嚟緊日日都會帶飯返工，
有咩好餸可以帶飯???
 |
| 新增說明文字 |
材料: 牛肋條1.5磅、急凍金錢肚1磅、熟牛筋1磅、蘿蔔1條、八角2粒、
香葉4片、熱水5~6碗、老抽適量、紹酒1湯匙、薑2片、
乾蔥頭1個、蒜頭1粒
調味: 柱候醬2湯匙、蠔油1湯匙、豉油1湯匙、冰糖粒1湯匙
做法:將1湯匙紹酒加入凍水內，放入牛肋條和金錢肚煮至滾，
出水8~10分鐘後取出沖洗，將牛肋條切大件，金錢肚切條；
蘿蔔去皮切件；熟牛筋沖洗後切件；乾蔥頭切片；蒜頭剁碎
凍鍋落先爆香薑、乾蔥片、蒜蓉和柱候醬，加入牛肋條和金錢肚炒勻，
贊紹酒1湯匙，快炒牛筋條和金錢肚沾滿柱候醬和紹酒嘅味道後，
落埋蠔油、豉油、冰糖、八角、香葉和熱水5~6碗(熱水需要浸過材料面)，
煮滾後轉小火炆1小30分鐘，加蘿蔔和熟牛筋炆45分鐘左右熄火(唔好開蓋)，
食飯前再加熱煲多30分鐘，最後加少許老抽調色便成。
~如果用普通煲炆嘅話，咁就要落多1~2碗水和炆耐少少啦!
~如果唔夠水嘅話，一定記得要加熱水；
~呢個餸炆定隔日食仲入味架!
~熟牛筋我係佳寶買架!
大家可以入嚟Facebook讚下我新開嘅Fans專頁呀!
金錢肚牛筋腩好色水, 一定非常入味!
回覆刪除係呀，真係好入味呀!
刪除我都好喜歡食呢個。阿細少耍加油啊！
回覆刪除啱食就埋位啦!
刪除