蟲草花冬菇雲耳蒸雞飯

好耐冇整煲仔飯，

噚晚見朋友仔整嚟食，

今日即刻照跟；

小魔怪食埋午餐先返工，

佢話如果加埋條臘腸就更加正喇!

材料: 2杯米、雞髀肉1.5塊、冬菇4隻、雲耳少許、蟲草花適量、蔥粒

醃料: 豉油半湯匙、蠔油半湯匙、鹽半茶匙、糖1茶匙、生粉1茶匙、

麻油少許、紹酒少許

調味: 煲仔飯豉油1.5湯匙、麻油少許

做法: 冬菇和雲耳浸軟去蒂切片；雞髀肉解凍後去皮切薄片，

將雞片放入碗，加冬菇絲、雲耳和醃料醃1小時；蟲草花略浸一陣；

洗2杯米後浸10分鐘，將米放入鍋內(易潔鍋)加2杯半水(量米杯)，

用中火煲約6~8分鐘至冒煙或差不多乾水後(即蝦眼水)，

將冬菇雲耳雞肉和蟲草花平均放係飯面，用中火煮3分鐘，

即轉最細火煲多15分鐘，熄火焗10分鐘；

(期間需要將煲在煮食爐上下左右移動，使飯焦平均分佈)

最後落蔥粒和調味撈勻食得!

  

大家可以入嚟Facebook讚下我新開嘅Fans專頁呀!

 雀后(添飯)Facebook Fan Page