粉絲蝦煲

星期日嘅生日宴裡面，

最最最受歡迎係呢個粉絲蝦煲，

而且蝦煲裡面嘅粉絲竟然成為搶手貨，

一早被人清哂喇!

材料: 蝦12隻、粉絲適量、蔥段、乾蔥頭、蒜蓉、清雞湯適量

調味: 蠔油1湯匙、豉油1茶匙、鹽少許、糖1茶匙、麻油少許、胡椒粉適量

做法: 蝦去頭去鬚挑蝦腸，用洗淨後用廚紙索乾水份；粉絲浸軟備用；

乾蔥頭切片備用；燒熱鍋落油，放蝦入鍋內煎至蝦兩面轉色後撈起；

原鍋加入乾蔥片和蒜蓉爆香(冇油就要加少少油)，落蝦、調味和清雞湯，

落湯要略浸到蝦2/3身，雞湯煮滾後，加入粉絲煮至差不多收9成汁，

最後加麻油撈勻，落埋蔥段後熄火，唔好開蓋焗1分鐘後便成。

~煎完蝦唔好洗個鍋，因為鍋內有大量蝦膏油，煮粉絲時索哂D蝦膏汁，

所以特別惹味架!

~粉絲我係用雜貨舖買嘅散裝粉絲，我鐘意佢哋係100%綠豆造外，

食落仲特別爽口添架!

  

大家可以入嚟Facebook讚下我新開嘅Fans專頁呀!

雀后(添飯)Facebook Fan Page