廣州3日行

上星期六，

我哋一行十人齊齊返廣州探望叔父大人；

我哋由深圳坐和諧號返廣州，

大約1小時15分鐘就到啦!

未去探叔父大人之前，

我哋緊係要搵嘢食醫肚先啦!

呢餐食咗414人民幣，

味道唔錯架!

先到酒店放低行李，

然後就去探叔父大人；

大病過後的叔父大人唔係咁認得到人，

而且消瘦了許多，

但精神都唔錯喎!

係叔父家坐咗3個鐘，

祈祈BB最開心，

因為有小狗和小貓玩，

玩到唔舍得走添!

晚餐堂姐妹請我哋食飯，

2圍食咗1100人民幣，

超抵食呀!

食剩好多嘢食，

打包咗幾盒返酒店，

而酒店附近有walmart，

買少少明天做早餐和飲品。

星期日，

自由活動，

我哋都好耐冇行過廣州嘅地方，

依家廣州真係變化得好利害啊!

懷舊一下，

我哋9個人(大魔怪冇去到)，

每人搭2蚊人民幣巴士去越秀公園行下喇!

最緊係依家行公園係免費架!

坐咗架觀光車直去五羊石像，

然後慢慢行番落嚟，

呢日天氣密雲間中有少少微雨兼好鬼焗，

熱到我哋本來plan咗去食完飯會去聖心大教堂和南越王博物館，

通通取消唔去啦!

唔去其他地方，

陪祈祈坐玩下船仔都好架!

 

 

離開越秀公園，

都唔知去咗邊個出口，

行下行下嚟到呢度搵食喇!

食飽飽，

胡里胡塗行咗嚟中山紀念堂，

知道如果行哂上面三個地方有特價，

但我哋都係諗住返酒店休息下，

母親大人、姐姐和妹妹妹夫就去做按摩，

鬆下筋骨呀!

至於晚餐就食西餐。

食完飯仲早，

走咗去唱K，

廣州唱K貴過惠州好多，

呢個套餐要318人民幣呀!

至於消夜呢，

就有芝麻糊和綠豆沙喇!

今朝一早9點左右，

約咗堂姐妹飲茶，

叫咗成枱都係點心，

都係食咗600人民幣呀!

 堂姐妹買咗茶葉、黑杞子、蟲草花、雲耳俾我哋做手信，

而我哋就買咗幾包松子仁和蘋果醋返香港呀!