今日奶奶終於出院啦!
入咗醫院2星期，
奶奶日日都話冇胃口食嘢，
餐餐都係食2~3匙羹粥，
呢次入院令佢瘦得好利害，
老公睇見都好心痛呀!
今晚我煮咗蠔油肉碎豆腐，
濕濕哋易入口，
雖然奶奶都係食咗2~3匙羹飯，
但食得好滋味咁喎!
材料: 有機滑豆腐1盒、肉碎$10
醃料: 豉油、老抽、糖、粟粉各1茶匙、麻油少許和1湯匙水
調味: 蠔油1湯匙、生抽和老抽各半湯匙、糖和粟粉各1茶匙和水大半碗
做法: 肉碎用醃料醃30分鐘；將滑豆腐切粒；
燒熱油鑊爆香肉碎，盡量將肉碎推散開，
加入調味煮滾後，(隔去豆腐水份)再加豆腐煮至翻滾便成。
要煮啲啱佢胃口嘅野比佢食先得啦！
回覆刪除唉，依家佢食咩都冇味道，樣樣都話唔食，真係頭痛呀!
刪除佢無胃口，煲多d湯水比距飲下啦
回覆刪除佢水都唔飲得多，慢慢嚟胃口自然開架啦!
刪除