噚日係百佳買咗包急凍蝦仁$19.9，
對呢包蝦仁期望唔太大架，
但見平平哋咪買嚟試下囉!
今日用佢嚟炒蛋，
又唔錯喎，
D蝦肉係爽口架!
入得過喎!
材料: 急凍蝦仁1包、雞蛋4隻、鹽、蔥粒
醃料: 鹽、胡椒粉和麻油各少許
做法: 蝦仁解凍後，用廚紙索乾水，用醃料醃15分鐘；
將雞蛋液放入大碗中，加少許鹽、蔥粒和麻油發勻；
燒熱油鑊落蝦仁炒至熟，加入蛋液快炒至7~8成熟上碟。
大家可以入嚟Facebook讚下我新開嘅Fans專頁呀!
咁平，抵食喎
回覆刪除係呀，特價咪買嚟試下囉！
刪除十九個幾好抵喎! 怪不得打開冰格見奶奶入咗幾包.
回覆刪除$19.9，特價呀！
刪除滑蛋蝦仁.....加點蔥花....好味
回覆刪除係呀，加咗蔥粒特別香架!
刪除好抵啊! :)
回覆刪除抵先買包嚟試下嘛！
刪除炒得好滑呀！D蝦仁又幾靚喎，我通常都係買蝦返屋企自己拆肉。
回覆刪除我懶，唔想去蝦殼呀！
刪除炒得好靚呀！
回覆刪除只要快快手炒蛋說得架啦！
刪除我前幾日都整左蝦仁炒蛋 , 另外加左粟米粒同蘆筍粒一齊炒 , 不過冇雀后炒得咁靚呢
回覆刪除加咗咁多料，碟炒蛋一定好好味啦！
刪除