雀后~歡迎!歡迎蒞臨朱家天地!

唔想再食了無新意的家常菜？唔知外面的餐廳有無用地溝油？覺得下廚好難、好麻煩？定係，根本無時間下廚？無論如何，自己親手烹調的最健康、最美味同安全﹗ 幸福可以好簡單，為自己的家人洗手作羹湯，雖然平凡，卻絕對是人間美味。平凡的食材、用簡單步驟，就能令你同家人一齊感受舌尖上的幸福﹗ 雀后，自問只是一名平凡的家庭主婦，然而她每天都會用心經營，為家人送上最暖的心意，煮出一道道幸福美味。自從大小魔怪出生後，雀后從不假手於人，一家大小的飲食都是她一手包辦，由買餸醃肉到落手落腳煮，都親力親為，務求家人食得健康，食得開心﹗

2014年9月2日星期二

沙泣骨

生果入菜餚，

我首選係菠蘿，

次選梗係蜜桃啦!

材料: 飛排排骨$40(一字骨或金沙骨)、粟粉4湯匙、罐頭桃3個

醃料: 豉油1湯匙、糖和粟粉1茶匙、鹽半茶匙、麻油和生油各少許

沙拉汁: 沙律醬3湯匙、煉奶和糖各1湯匙、白醋1湯匙

做法: 飛排排骨用醃料醃1小時；沙拉汁攪勻備用；

燒熱油鑊將排骨沾有少許粟粉以半煎炸至金黃及熟後，

後用廚紙索油後備用；取出罐頭桃切片後，

放在排骨旁並將沙拉汁淋上排骨面便成。