碟頭飯~日式咖哩南瓜粟米肉醬飯

 

工人姐姐放假，

 

今日我煮足早午茶點和晚餐，

 

一腳踢買洗切煮，

 

咪話真係幾攰架!

 

所以晚餐都係食碟頭飯算啦!

 

材料: 南瓜半個、豬肉碎半磅、洋蔥半個、粟米粒、蒜蓉、日式咖哩磚半盒

 

醃料: 豉油、糖、粟粉各1茶匙、麻油少許和1湯匙水

 

做法: 南瓜和洋蔥去皮切粒；豬肉碎用醃料醃20分鐘；

 

凍油落玫瑰鍋燒熱，加入豬肉碎炒至熟後盛起備用；

 

凍油落玫瑰鍋燒熱，落蒜蓉和洋蔥爆香後加入南瓜和粟米粒，

 

落2碗水煮滾後，落埋豬肉碎煮至南瓜腍後，

 

加入咖哩磚煮溶便成。

 

 

  
 

 

大家可以入嚟Facebook讚下我新開嘅Fans專頁呀!  

 

雀后(添飯)Facebook Fan Page